Presidenti rus Vladimir Putin konfirmoi se Rusia do të jetë gati vitin e ardhshëm për të vendosur regjimentin e parë të raketave hipersonike të afta për sulme bërthamore, raporton Reuters.
Sipas tij, kjo do të thotë që Rusia tani ka një formë të re arme strategjike.
Putin bëri këtë deklaratë pasi mbikëqyri testimin e raketës së re “Avangard” nga zyra e tij në Moskë.
“Ky test, i cili sapo ka përfunduar, ishte plotësisht i suksesshëm. Ky është një moment i madh për forcat e armatosura dhe Rusinë. Rusia ka një sistem të ri arme strategjike”, tha Putin.
Moska thekson se sistemi i ri i raketave është shumë i lëvizshëm, gjë që lejon që të shmangë lehtësisht sistemet e raketave mbrojtëse.
Kremlini tha në një deklaratë tha se raketat “Avangard” u nisën nga jugperëndimi i Rusisë duke goditur me sukses dhe shkatërruar një objektiv në Lindjen e Largët të Rusisë.
Putin ka njoftuar një gamë të gjerë të armëve të reja disa muaj më parë, duke përfshirë edhe “Avangard”.
Ai pastaj vuri në dukje se raketat mund të synojnë objektivin në çdo anë të botës dhe mund të shmangur sistemet amerikane të mbrojtjes nga raketat. /tesheshi.com/
