Holding Russian Space Systems tha se aktualisht po punon për krijimin e një sistemi kontrolli të grupit satelitor të bazuar në inteligjencën artificiale.
Eshtë një teknologji vetërregulluese për kontrollin e grupeve të satelitëve me elementë të inteligjencës artificiale dhe përfshirjen minimale të faktorit njerëzor, i cili në të ardhmen do të mundësojë automatizimin e kontrollit të satelitëve dhe mijëra anijeve kozmike.
Kompleksi i automatizuar, i cili ndodhet në tokë, tani zhvillon deri në 2,000 seanca kontrolli çdo ditë, raportojnë mediat ruse.
Teknologjitë e sotme kërkojnë servisimin e secilës pajisje veç e veç, por kjo teknologji ka kufizime dhe rritja e grupeve “krijon një probabilitet më të lartë të shembjes”.
Karakteristikë e teknologjisë së re do të jetë kalimi nga kontrolli individual i anijes në kontrollin e efektit sistemik të të gjithë grupit orbital.
Për të rritur aftësitë e sistemit të vetë-rregullimit për grupe më të mëdha të satelitëve, është planifikuar të përdoret teknologjia e sistemit GRID duke krijuar një “superkompjuter virtual” global, i cili mundëson kombinimin e fuqisë llogaritëse të sistemeve të kontrollit të automatizuar dhe satelitëve në një rrjet të vetëm, thanë sistemet hapësinore ruse. /tesheshi.com/
