Agjentët rusë të zbulimit u përpoqën të spiunonin në fushatën zgjedhore të presidentit francez Emmanuel Macron në fillim të këtij viti duke krijuar profile të rremë në Facebook, sipas një kongresisti të SHBA dhe dy njerëz të tjerë të informuar mbi këtë përpjekje.
Rreth disa dhjetëra llogari u krijuan në Facebook për të mbikqyrur zyrtarët e fushatës së Macron dhe njerëz tjerë të afërt të tij, ndërsa kërkonte të mposhte politikanen e djathtë nacionaliste Marine Le Pen dhe kundërshtarët e tjerë në zgjedhjet dy-raundëshe.
Facebook tha në prill se kishte ndërmarrë veprime kundër llogarive të rreme që po përhapnin keqinformime rreth zgjedhjeve franceze. Por përpjekja për të depërtuar në rrjetet sociale të zyrtarëve të Macron nuk është raportuar më parë.
Rusia ka mohuar në mënyrë të përsëritur ndërhyrjen në zgjedhjet franceze përmes hakimit apo rrjedhjes së email-ave dhe dokumenteve. Agjencitë e zbulimit të SHBA-së i thanë Reuters në maj, se hakerë të lidhur me qeverinë ruse janë të përfshirë, por nuk kanë prova bindëse se Kremlini urdhëroi sulmin.
Facebook konfirmoi për Reuters se ka zbuluar llogaritë spiunuese në Francë dhe i kishte ç’aktivizuar ato. Ai e bëri këtë duke falendëruar një kombinim të zbulimit të automatizuar të përmirësuar dhe përpjekjeve më të mëdha njerëzore për të gjetur sulme të sofistikuara.
Zyrtarët e kompanisë informuan anëtarët e komisioneve të kongresit dhe stafin, ndër të tjera, rreth gjetjeve të tyre. Njerëzit e përfshirë në biseda gjithashtu thanë se numri i llogarive të Facebook-ut të pezulluara në Francë për nxitje të propagandës – shumica prej tyre në lidhje me zgjedhjet – kishte shkruan në 70,000, një kërcim i madh ky nga 30,000 mbyllje të llogarive që kompania i zbuloi në prill.
Facebook nuk e kundërshtoi këtë shifër.
Fushata e spiunazhit përfshinte agjentë rusë që paraqiteshin si miq të miqve të bashkëpunëtorëve të Macron dhe përpiqeshin të mbledhin informacione personale prej tyre, sipas kongresmenit të SHBA dhe dy të tjerëve të informuar për këtë çështje.
Punonjësit e Facebook-ut vunë re përpjekjet gjatë raundit të parë të zgjedhjeve presidenciale dhe i gjetën ato tek veglat e përdorura në të kaluarën nga njësia e inteligjencës ushtarake të Rusisë (GRU), thanë njerëzit, të cilët folën me kusht anonimiteti.
E njëjta njësi e Intelegjencës ushtarake ruse, e quajtur Fancy Bear ose APT 28 në industrinë e sigurisë kibernetike, është fajësuar për hakimin e Komitetit Kombëtar të demokratëve gjatë zgjedhjeve presidenciale të vitit 2016 në SHBA dhe shumë objektivave të tjerë politikë. GRU nuk deshi të komentojë në lidhje me çështjen.
Llogaritë e emailit që u përkisnin zyrtarëve të fushatës Macron u hakuan dhe përmbajtja e tyre u hodh në internet në ditët e fundit të balotazhit midis Macron dhe Le Pen.
Zyrtarët francezë të zbatimit të ligjit dhe të inteligjencës nuk kanë akuzuar publikisht ndonjë nga sulmet e fushatës.
Mounir Mahjoubi, i cili ishte drejtor dighital i lëvizjes politike të Macron, En Marche, dhe tani është një ministër i vogël për çështjet digjitale në qeverinë e tij, tha për Reuters në maj se disa ekspertë të sigurisë fajësuan GRU në mënyrë specifike, megjithëse nuk kishin prova.
Mahjoubi dhe En Marche refuzuan të komentonin.
Vetë mediat sociale dhe kompanitë e rrjeteve rrallë komentojnë mbi veprime të tilla kur zbulohen./tesheshi.com/
