Siç ndodh rëndom nga diplomacia ruse, është shënuar edhe një rast tjetër i tërheqjes së paraleleve mes Krimesë dhe Kosovës, dhe kjo në sy të liderëve evropianë në Forumin e Paqes në Paris.
Ministri i Jashtëm rus Sergei Lavrov ka akuzuar shtetet perëndimore për standarde të dyfishta, meqë sipas tij “kur diçka është në interes të Perëndimit, ata e konsiderojnë të drejtën e njerëzve për vetëvendosje si `të shenjtë’, mirëpo kur diçka nuk lidhet me interesat e tyre, atëherë ata e shpallin këtë të drejtë si të paligjshme”.
Ilustrim i këtyre deklaratave ka qenë Kosova dhe Krimea.
“Krahasoni Kosovën dhe Krimenë: një referendum është mbajtur në Krime për jo në Kosovë. Megjithatë Kosova është njohur menjëherë si shtet i pavarur nga shumica e vendeve perëndimore”, ka thënë ai.
Rusia ka aneksuar Gadishullin e Krimesë nga Rusia më 2014 dhe referendumi i mbajtur në këtë rajon është cilësuar si i paligjshëm nga Ukraina dhe fuqitë perëndimore. Si pasojë e luftimeve mes forcave pro-ruse dhe atyre ukrainase, kanë vdekur mbi 10,300 persona. /tesheshi.com/
