Oqeanografët e Flotës Veriore Ruse po planifikojnë një ekspeditë për të konfirmuar ekzistencën e ishujve të rinj të parë në imazhet satelitore të Tokës së Re në Oqeanin Arktik, tha për shtypin përfaqësuesi i Flotës, Aleksej Kornis.
Ekspedita është planifikuar për në gusht ose shtator të këtij viti.
Kornis shpjegoi se ishujt e rinj ishin rezultat i shkrirjes së akullnajave që mbulojnë pjesën më të madhe të arkipelagut Arktik.
“Ne duhet të sigurohemi që këto janë struktura solide, të forta, dhe jo vetëm pjesë të akullnajave”, tha ai.
Të dhënat mbi ishujt e rinj vijnë jo vetëm nga imazhet satelitore, por edhe nga ato të ekspeditave të tjera.
Megjithatë, ekzistenca e tyre mund të vërtetohet vetëm nga një ekip i veçantë oqeanografësh, tha Sputnik. /tesheshi.com/
