Ministria e Mbrojtjes ruse tha të Dielën se nuk dinte asgjë për ndihmën e pretenduar ndaj aviacionin amerikan, të përmendur nga Presidenti Trump në një konferencë shtypi, kur ai foli për vdekjen e kreut të ISIL-it, Abu Bakr al -Baghdadi.
“Ne nuk dimë asgjë për ndonjë ndihmë për aeroplanët amerikanë në hapësirën ajrore të Idlibit për qëllimin e operacionit”, tha zëdhënësi i Ministrisë së Mbrojtjes Igor Konashenkov.
Në një konferencë shtypi në Uashington, ku ai konfirmoi që Baghdadi ishte vrarë, Trump tha se Rusia kishte hapur për aeroplanët amerikanë hapësirën ajrore që kontrollon mbi territoret siriane.
Zdhënësi Konashenkov shtoi se asnjë sulm ajror nuk ishte raportuar nga aviacioni amerikan ose koalicioni i udhëhequr nga SHBA në Idlib, as të dielën, as ditët e mëparshme.
Më tej, Konashenkov tha se një raport mbi ekzekutimin e drejtuesit të ISIL-it nuk mund të ndikojë në vështirësimin e situatës në Siri.
“Pasi ISIL u mposht nga forcat e qeverisë siriane dhe u mbështet nga forcat ajrore ruse në fillim të vitit 2018, një vdekje e mundshme e Abu Bakr al-Bagdadi nuk do të ketë ndikim në situatën në Siri”, tha ai. /tesheshi.com/
