Kriza ruso-ukrainase është reflektuar në festivalin e përvitshëm të këngës të Eurovizionit, që këtë herë organizohet në Ukrainë.
Vizita në Krime i ka kushtuar fort këngëtares ruse Julia Samoilova, pasi për këtë Ukraina nuk ka pranuar që ta lërë të këndojë në festivalin e Eurovizionit.
Një refuzim që ka sjellë tani dhe kundërpërgjigjen ruse. Channel One, kanali televiziv rus, nuk do ta transmetojë fare veprimtarinë e njohur që zhvillohet muajin e ardhshëm.
EBU, Unioni Europian i Transmetimeve ka reaguar duke deklaruar se ky vendim i heq Rusisë çdo mundësi për pjesëmarrje këtë vit në festival. Po ky organizëm qe shprehur më herët kundër ndalimit të pjesëmarrjes së këngëtares ruse në Eurovizion; për të, Ukraina po minonte kështu natyrën jopolitike të aktivitetit.
“Kjo do të thotë fatkeqësisht se Rusia nuk do të jetë më në gjendje të marrë në garën e këtij viti,” qartësoi EBU-ja.
Krimeja u aneksua nga Rusia në vitin 2014, e që prej atëherë ky zhvillim ka qenë një ndikues i drejtpërdrejtë në marrëdhëniet e Ukrainës me Rusinë. /tesheshi.com/
