Rusia i ka propozuar koalicionit të udhëhequr nga SHBA, që nga data 25 maj të nisin sulme të përbashkëta ajrore në Siri, duke pasur për shënjestër ata të cilët sipas saj nuk i përmbahen armëpushimit.
Reuters transmeton deklaratën e ministrit rus të Mbrojtjes, Sergey Shoygu i cili ka propozuar që këto sulme të kenë për shënjeztër dhe kolonat me armatim, përfshirë ato që kalojnë prej Turqisë për në Siri.
“Rusia ruan të drejtën e goditjeve ajrore unilaterale ndaj atyre kryengritësve të cilët nuk e respektojnë armëpushimin”, ka thënë Shoygu.
Sipas tij, sulmet ajrore të propozuara do të ndihmonin në procesin e ngecur të paqes
Por Uashingtoni ka refuzuar në vazhdimësi çfarëdo aksioni të përbashkët me qeverinë siriane.
Derisa Rusia mbështet qeverinë e presidentit Bashar al-Assad, SHBA-të dhe aleatët e saj të perëndimit dhe të Gjirit përkrahin kryengritësit në përpjejet e tyre për ta rrëzuar atë. /tesheshi.com/
