Rusia ka kritikuar Kombet e Bashkuara që nuk ka ofruar ndihma humanitare në zonat e rrënuara të qytetit sirian, Alepo që aktualisht është nën kontrollin e forcave qeveritare. Ankesa ndaj OKB-së është bërë nga zëdhënësi i ministrisë ruse të mbrojtjes, Major Gjeneral, Igor Konashenkov.
“Të gjitha propozimet për të ofruar ndihma humanitare në Alepo janë ndalur, pasi forcat qeveritare kanë çliruar mbi 40 % të qarkut lindor të qytetit”, ka thënë Konashenkov.
Komentet janë bërë një ditë pasi këshilltari i OKB-së për çështje humanitare, Jan Egeland, ka thënë se Rusia ka dhënë shenja se dëshiron të diskutojë hapjen e katër korridoreve të sigurta për furinizimin e zonave që mbahen ende nën kontroll nga rebelët në Alepo.
Egeland tha po ashtu se OKB ka mjaftueshëm ushqime në pjesën perëndimore për 150 mijë njerëz që ndodhen ende në Alepon lindore./tesheshi.com/
