Rusia, kërcënim Perëndimit me reagim ushtarak

Rusia kërcënoi të enjten se do të reagojë, përfshirë edhe ushtarakisht, nëse Shtetet e Bashkuara refuzojnë kërkesat e saj kryesore të sigurisë, duke përsëritur kërkesën e saj që forcat amerikane të tërhiqen nga Evropa Qendrore dhe Lindore dhe nga shtetet baltike.

“Nëse pala amerikane nuk është e gatshme të bjerë dakord për garanci të forta ligjore për sigurinë tonë (…) Rusia do të detyrohet të reagojë, kryesisht duke zbatuar masa të natyrës ushtarake dhe teknike,” tha Ministria e Jashtme ruse në përgjigje të propozimeve të SHBA për negociatat për sigurinë evropiane.

Moska këmbëngul në “tërheqjen e të gjitha forcave dhe armëve të SHBA-së të vendosura në Evropën Qendrore dhe Lindore, Evropën Juglindore dhe shtetet baltike” dhe gjithashtu pret “heqjen dorë nga çdo zgjerim i ardhshëm i NATO-s”. /tesheshi.com/