Rusia u ka bërë ftesë Shqipërisë dhe Maqedonisë së Veriut që të ndjekin rrugën e Serbisë dhe të bashkëngjiten në Bashkimin Ekonomik Eurasian (EEU).
Përfaqësuesi i Përhershëm i Rusisë në BE, Vladimir Chizhov, gjatë Forumit Ekonomik Eurasian në Verona të Italisë, tha se “Shqipëria dhe Maqedonia e Veriut do të gjejnë më shumë mirëkuptim në EEU sesa në BE, theksoi diplomati rus.
“Jam i sigurt që vendet, të cilat janë kandidate për anëtarësim në BE dhe së fundmi janë lënë në baltë nga Brukseli, mund të gjejnë më shumë mirëkuptim në Bashkimin Ekonomik Euroazian”, tha Chizhov.
Ftesa e Rusisë për vendet e Ballkanit që ti bashkohen EEU-së erdhi vetëm pak javë pas vendimit të Presidentit Francez Emmanuel Macron për të vënë veton kundër fillimit të negociatave të pranimit në BE për Shqipërinë dhe Maqedoninë e Veriut. Bjellorusia është i vetmi vend evropian që merr pjesë në EEU, ndërsa Serbia, përbën përjashtim pasi nuk është pjesë e BE-së. /tesheshi.com/
