Përfaqësia e Moskës në Tiranë ka bërë ironi me ish-kryeministrin Berisha, pas një pohimi të këtij të fundit se nuk kishte pranuar një ryshfet të Gazpromit rus për të mos firmosur për gazjellësin TAP.
“U habitëm nga fjalët e Sali Berishës se 10 vjet më parë ai refuzoi rryshfetin gjoja të propozuar nga Gazprom për zhvillimin e projekteve energjetike në Shqipëri.
Na lind natyrshem pyetja: sa kërkoi zoti Berisha që as Gazpromi nuk mundi t’i mbledhë dot ato “shuma përrallore?”, thuhet në një reagim të ambasadës së Rusisë në Tiranë.
Një ditë më parë, Berisha do thoshte:
“Së fundmi dua të them një mesazh për ata që shpallën Sali Berishën ‘non-grata’, i them mafies së George Soros, se vetëm për TAP Sali Berishës i janë ofruar shuma marramendëse. Direkt nga Gazpromi!”. /tesheshi.com/
