Rusia ka kaluar Arabinë Saudite dhe është bërë furnizuesi i dytë më i madh i naftës në Indi pas Irakut, raporton Anatolia.
Sipas The Times of India, vendi bleu gati 25 milionë fuçi naftë ruse në maj, më shumë se 16 për qind e importeve totale të naftës.
Pjesa e naftës bruto me origjinë ruse që India bleu në totalin e importeve nga deti në tremujorin e parë të 2021 dhe 2022 ishte nën një për qind, në prill arriti në pesë për qind për herë të parë.
Iraku ruajti pozicionin e tij si furnizuesi më i madh i naftës në Indi muajin e kaluar dhe Arabia Saudite është e treta.
India, importuesi i tretë më i madh i naftës në botë, ka mbrojtur blerjen e naftës së papërpunuar nga Rusia që nga fillimi i pushtimit rus të Ukrainës.
Ministria e naftës njoftoi muajin e kaluar se energjia e importuar nga Rusia ishte e parëndësishme në krahasim me konsumin total të Indisë.
India blen naftën ruse me një zbritje prej gati 30 dollarë për fuçi. /tesheshi.com/
