Presidenti rus Vladimir Putin, u bëri thirrje udhëheqësve të Bjellorusisë dhe Kazakistanit që të punojnë me Rusinë për të krijuar një bashkim monetar me vendin e tij. Thirrja erdhi pasi Putini nënshkroi një marrëveshje ekonomike me republikën separatiste të Osetisë së Jugut, të mërkurën e kaluar, si dhe gjatë një takimi që zhvilloi me homologun bjellorus, Aleksandër Lukashenko dhe Presidentin e Kazakistanit, Nursultan Nazarbajev, në kryeqytetin e Kazakistanit Astana, ku u diskutua mbi problemet ekonomike me të cilat përballen të tre vendet.
Rusia, Kazakistani dhe Bjellorusia i përkasin Bashkimit Ekonomik të “Euroazisë”, një bllok politiko-ekonomik që përfshin ish-republikat sovjetike.
Rusia nënshkroi të mërkurën një traktat aleance me Osetinë e Jugut, republikës së shkëputur të Gjeorgjisë, që Moska ia njohu pavarësinë në vitin 2008. Marrëveshja u dënua nga Tbilisi dhe vendet perëndimore, veçanërisht nga Shtetet e Bashkuara.
Sipas Kremlinit, presidenti rus dhe udhëheqësi i Osetisë Leonid Tebilov, ka nënshkruar një “marrëveshje aleance dhe integrimi”.
Marrëveshja përcakton se Rusia në 2016 duhet ti japë kësaj republike 15 milion euro, e cila ka një sipërfaqe prej tre mijë kilometrash katrorë dhe një popullsi prej jo më shumë se 50 mijë njerëz. Marrëveshja përfshin edhe bashkpunimin ushtarak.
Zyrtarët e lartë gjeorgjiane e kritikuan këtë marrëveshje, duke e cilësuar si “gjysëm-aneksim” të rajonit rus të Gjeorgjisë. Më parë Moska nëntorin e kaluar moska firmosi një marrëveshje të ngjashme me Abkhazinë, i cila gjithashtu iu shkëput Gjeorgjisë.
Lëvizjet ruse vijnë në dritën e sanksioneve ekonomike të imponuara mbi të nga shtetet e Bashkuara dhe Bashkimi Evropian ,për shkak të krizës së Ukrainës që çoi në tensione politike midis dy vendeve.
Associated Press
