Një gjykatë ruse gjobiti fondin Wikimedia, i cili zotëron gjithashtu enciklopedinë online Wikipedia, për mos fshirjen e përmbajtjes që Moska e konsideron ekstremiste.
Gjykata e rrethit Tagansky gjobiti Wikimedia-n me 800,000 rubla, ose 9,900 dollarë, raporton Reuters.
Ai shtoi se Wikimedia u akuzua për dështimin në heqjen e materialeve në lidhje me këngën e grupit rock alternativ “Psyche or Psychite”, e cila u etiketua zyrtarisht si “ekstremiste”.
Wikimedia tha se informacioni për të cilin autoritetet ruse u ankuan ishin verifikuar dhe ishin në përputhje me standardet e Wikipedia-s.
“Këto vendime janë pjesë e përpjekjeve të vazhdueshme të qeverisë ruse për të kufizuar përhapjen e informacionit të besueshëm dhe me burim të mirë në atë vend,” tha shefi i Wikimedia-s, Jacob Rogers.
Rusia ka vite që po përpiqet të lançojë një enciklopedi vendase në internet, por deri më tani nuk mundur.
Zëdhënësi i Kremlinit Dmitry Peskov tha në fillim të kësaj jave se një enciklopedi e tillë do të përmbajë informacion të verifikuar, të saktë dhe objektiv.
“Ne e dimë se Wikipedia ka shumë të pavërteta, gabime historike, faktike dhe të tjera”, tha Peskov. /tesheshi.com/
