Rusia është e gatshme për negociata me Turqinë për shitjen e mundshme të avionëve luftarakë Sukhoi Su-35 dhe Sukhoi Su-57, nëse merr një kërkesë nga Ankaraja, tha zëdhënësi i Shërbimit Federal Rus për Bashkëpunim Ushtarak dhe Teknik, Valery Reshetnikov.
“Sa i përket planeve të mundshme të Ankarasë për të blerë aeroplanë luftarakë Su-35 dhe Su-57, ne po informojmë publikun se pala turke është informuar plotësisht në lidhje me specifikimet teknike të avionit. Nëse ka një kërkesë nga pala turke për këto aeroplanë, ne jemi gati të flasim,” tha ai.
Turqia, një anëtare e NATO-s, është nën sanksionet e SHBA-së për blerjen e sistemit anti-ajror të Rusisë S-400.
Ankaraja bleu sistemin S-400 në korrik 2019 dhe kjo blerje i ndërlikoi edhe më tej marrëdhëniet SHBA-Turqi, fillimisht të komplikuara nga mosmarrëveshjet rreth konfliktit në Siri. /tesheshi.com/
