Donald Trump Jr dhe Paul Manafort, i biri i presidentit të SHBA dhe menaxheri i fushatës presidenciale, po negiocojnë me Komisionin e Kongresit se si të zhvillohet seanca e pyetjes mbi faktet që kanë dalë për implikimin e tyre në ndërhyrjen e Rusisë.
Të mërkurën mbahet seanca në Kongres, por dy të thirrurit kanë kërkuar një audiencë jo-publike por private të marrjes në pyetje.
Siç bën të ditur CNN, Komisioni i Ligjeve të Senatit ka kërkuar një seancë publike të hetimeve siç ka ndodhur edhe për dëshmitarët e tjerë.
Ndërkohë edhe Jared Kushner, dhëndri i Donald Trump ka arritur një pakt që të pyetet pa kamera, ditën e martë më 25 korrik. /tesheshi.com/
