Shkëmbim i të burgosurve midis Rusisë dhe Ukrainës mund të ndodhë shumë shpejt, bëjnë me dije mediat ruse dhe ukrainase.
Sekretari i shtypit i Vladimir Putin, Dmitriy Peskov konfirmoi se “vazhdojnë kontaktet” për këtë çështje, pa dhënë detaje të tjera.
Ndërsa nuk ka asnjë konfirmim zyrtar, agjencitë ruse TASS dhe Interfax citojnë burime anonime që pohojnë se marrëveshja për shkëmbim do të bëhet edhe për regjisorin ukrainas me famë botërore, Oleg Sentsov.
Agjencitë e lajmeve raportojnë se ai është transferuar nga një burg i largët i Arktikut në kryeqytetin rus, Moskë.
Regjisori Senstov ishte vendas i gadishullit të Krimesë që kundërshtoi aneksimin e rajonit nga Rusia në vitin 2014. /tesheshi.com/
