Që prej ditës së sotme kanë nisur të mbërrijnë në Serbi, më herët se ishte parashikuar paketa prej 6 avionësh bombardues Mig 29 të përdorur, që Rusia ja ka dhuruar Beogradit.
Portali i Kremlinit Sputnik bën të ditur se mbërritja ka ardhur pas disa “proçedurave administrative të komplikuara”.
Avionët luftarakë kanë mbërritur të zbërthyer, në bordin e një transportuesi të madh Antonov-124 që fluturoi nga një aeroport ushtarak pranë Moskës dhe zbriti në aerodromin Batajnica pranë Beogradit.
Më herët ministri serb i Mbrojtjes Aleksandër Vulin tha se avionët do të vinin duke nisur që nga 20 tetori, kur të festohet çlirimi i Beogradit në Luftën e Dytë Botërore.
“Armatimi i ri do të jetë pjesë e forcave operacionale të ushtrisë serbe që përbëhet nga 1500 trupa. Unë ftoj qytetarët të festojnë ditën e Çlirimin e Beogradit për të demostruar njës Serbi të lirë, të fortë dhe krenare, që pa një ushtri të fortë nuk do të realizohet kjo”, tha Vulin. /tesheshi.com/
