Në kohën kur përpjekjet diplomatike për t’i dhënë fund konfliktit në vend kanë hasur në ngecje, luftimet e ashpra përreth Halepit janë intensifikuar.
Rusia ndërkaq, ka dërguar avionë luftarakë shtesë në Siri, për të përforcuar edhe më shumë fushatën e saj.
Në sulmet e reja ajrore të forcave ruse në Halep kanë humbur jetën 30 vetë, ndërkohë që 18 tjerë janë vrarë në rrethinën e Damaskut, gjatë natës në mes të premtes dhe shtunës.
Prej kohës kur forcat ruse kanë ofruar regjimit sirian një fazë të re mbështetjeje, banorët e Halepit lindor dëshmojnë për bombardime të “egra” në baza ditore.
“Ka një dallim të madh në mes të avionëve të Asadit dhe atyre të rusëve. Armatimi më i madh të cilin e përdorin forcat e Asadit janë bombat-fuçi dhe raketat tokë-tokë, ndërsa prej kohës kur rusët janë futur në lojë, ata kanë në dispozicion armë edhe më të fuqishme”, thotë një banor i Halepit, Ahma Abu Rania.
Të paktën 320 vetë, përfshirë qindra fëmijë kanë humbur jetën në Halep që nga ndërprerja e zjarrit me 19 shtator, njofton UNICEF.
Organizata Botërore e SHëndetësisë (WHO), ka kërkuar largimin e menjëhershëm të qindra të sëmurëve dhe të plagosurve nga Halepi. /tesheshi.com/
