Mediat serbe kanë njoftuar sot mbi nisjen e një pakete prej 6 avionesh gjuajtës-bombardues elitare rusë në Serbi, si pjesë e një ndihmë ushtarake; paralajmëruar ditë më parë kjo gjatë vizitës së kreut të diplomacisë së Kremlinit, Lavrov në Beograd.
Televizioni B92 citon burime ruse ku thonë se ky veprim pritet që të rrisë stresin e qarqeve politike ushtarake në vendet fqinje anëtare të NATO-s, por edhe të shtabit të lartë të Aleancës Veriatlantike.
“Interesi kryesor i Rusisë në këtë marrëveshje është për të rritur prezencën ushtarake në rajon, ku shumica e shteteve të Ballkanit janë anëtarë të NATO-s”, tha analizti i njohur rus Ivan Safronov, një gazetar i të përditshmes së Moskës, Kommersant për televizionin serb B92.
Ministria ruse e Mbrojtjes sapo ka hequr nga inventari i saj gjashtë Mig dhe ka nisur dërgimin e tyre në Serbi.
Sipas deklaratave të bëra nga autoritetet e Serbisë dhe të informacionit që vjen nga Rusia, Beogradi do të paguajë për avionët që të modernizohet flota e tij ajrore.
Çmimi total, sipas mediave shkon nga 25 deri në 50 milion dollarë. Çmimi mesatar i një të ri MiG-29 aktualisht shkon rreth 30 milionë dollarë/ /tesheshi.com/
