Rusia ka protestuar ndaj SHBA-ve për atë që e konsideron si vjedhjen e flamujve nga konsullata e zbrazur në San Francisko.
Por kjo akuzë është kundërshtuar menjëherë nga Departamenti amerikan i Shtetit.
Ambasada e Rusisë në Shtetet e Bashkuara ka shkruar në Tëitter në gjuhën ruse se flamujt ishin “vjedhur” nga ndërtesa dhe ka vlerësuar se kjo ishte “ngjarja e fundit e turpshme” në serinë e ndëshkimeve reciproke diplomatike ndërmjet dy shteteve gjatë këtij viti.
“Ne kërkojmë që autoritetet amerikane të kthejnë simbolet tona shtetërore”, thuhet në postim.
Departamenti i Shtetit i ka hedhur poshtë pretendimet për vjedhjen e flamujve.
“Flamujt në ish-ndërtesën konsullore ruse në San Francisko me respekt janë ulur dhe janë depozituar me kujdes brenda secilës ndërtesë”, thuhet në një njoftim që i është dërguar mediave në rrugë elektronike. /tesheshi.com/
