Turqia vërtet nuk arriti të jetë pjesëmarrëse në Kupën e Botës “Rusia 2018”, por kompania e saj ajrore, Turkish Airlines është shpallur tashmë kampion i fluturimeve me motiv Botërorin e pritshëm të futbollit.
Avionët e kompanisë ajrore turke do e afirmojnë veten si liderë botërorë qielli në transportin ajror, pasi do mbulojnë numrin më të madh të fluturimeve nga e gjithë bota, nga vendet përkatëse drejt Stambollit, e më pas nga Stambolli drejt Moskës apo qyteteve të tjera ruse.
Sipas të përditshmes Habertürk, Turkish Airlines ka përjetuar një rritje rekord rezervimesh nga e gjithë bota.
Me 303 destinacione në 120 vende të botës, Turkish Airlines mban pozitën e liderit botëror në transportin ajror. Vitin e kaluar, me këtë kompani fluturuan 68.6 milion pasagjerë, duke shënuar një rritje 9.3 për qind në krahasim me një vit më parë, e realizuar 139.15 milion dollarë fitim neto. /tesheshi.com/
