Aktori Yevgeny Kulesh ndërroi jetë në moshën 38-vjeçare pas një aksidenti tragjik gjatë një shfaqje në operën “Sadko”.
Ai u gjend në vendin e gabuar në kohën e gabuar, kështu që gjatë ndryshimit të dekorit, u godit nga një pjesë që ra mbi të.
Ish-punonjësit kanë folur për kushtet e këqija në teatër dhe vdekja e Kuleshit nuk është ngjarja e parë tragjike aty.
Konkretisht, në vitin 2013, një violinist gjithashtu ndërroi jetë tragjikisht pasi ra në një gropë orkestrale duke pësuar lëndime të rënda.
Pamjet e ngjarjes fatkeqe janë përhapur në portalet ruse, duke treguar aktorët që qajnë pasi kuptuan se çfarë ndodhi dhe ulën perden. Punonjësit e teatrit nxorën spektatorët e tronditur nga salla pas tragjedisë.
“Menaxhmenti i Teatrit Bolshoi dhe ansambli po njoftojnë me trishtim lajmin për vdekjen e artistit të tyre Yevgeny Sergeyevich Kulesh. Ne shprehim ngushëllimet tona të thella për familjen dhe miqtë,” thuhet në llogarinë zyrtare të teatrit në Twitter.
Një numër i madh i përdoruesve të Twitter komentuan aksidentin, duke shprehur ngushëllimet për familjen e të ndjerit me fjalë paralajmëruese për menaxhmentin e teatrit.
“Tani e kuptoj që aktorët po interpretojnë dhe rrezikojnë jetën e tyre,” thuhet në një nga komentet. /tesheshi.com/
