Në Rusi, “mobilizimi” masiv është duke u zhvilluar nëpër burgje, thuhet nga të afërmit të të dënuarve, të cilët u ankuan në fondacionin “Rusia Behind Bars”, një organizatë joqeveritare me qendër në Moskë.
Aktivistët pretendojnë se të burgosurit rusë, me premtimin e lirisë nëse arrijnë të mbijetojnë, po rekrutohen masivisht në grupin mercenar të Putinit, Wagner.
Ata nuk kanë nevojë për asnjë dokument për të shkuar në luftë, mjafton të regjistrohen si vullnetarë në njësitë në Donbas dhe u ofrohet mundësia për të hequr qafe jetën pas hekurave. Procesi po funksionon masivisht në rajonin e Leningradit, Nizhny Novgorod dhe në rajonin e Vladimir, ku mobilizimi i të dënuarve po përhapet çdo ditë. Kjo nuk është vala e parë e rekrutimit ne burgje, pasi ajo u krye në fillim të shkurtit dhe marsit, kur oficerët e FSB dhe Wagner vizituan shumë koloni të burgjeve shtetërore.
Në atë rast, objektivi i tyre për rekrutim ishin kryesisht ish-ushtarë të dënuar, ushtarakë dhe policë, por të korrat e profileve të tilla nuk ishin shumë të pasura sepse ishin njerëz që kryesisht dinin se çfarë ishte lufta. Fushata e rekrutimit për batalionin çeçen nën komandën e Ramzan Kadyrov ishte më pas disi më e frytshme. Në raundin final aktual, i cili është si një mobilizim i përgjithshëm pa dallim, pothuajse të gjithë ata që e dëshirojnë po nxirren nga burgu. Ka kujdes vetëm për të dënuarit për përdhunim apo pedofili, pretendojnë në “Rusia pas hekurave”.
“Më shumë se 40 persona kanë shkuar mbrëmë në fushën e betejës ukrainase nga kolonia e të dënuarve numër 6 në Obukhov”, pretendon shoqata për të drejtat e të arrestuarve. Familjarët e tyre kontaktuan aktivistët me një kërkesë mjaft të pabesueshme: “Ne i duam të kthehen në burg, le ta kryejnë dënimin atje”. Mbizotëron ndjenja se jeta e tyre në burgje do të jetë shumë më e sigurt, pasi ë burgosurit në fakt rekrutohen për t’u vrarë. Të afërmit e tyre kanë frikë se do t’i përdorin për deminim, dhe pa aftësi adekuate – kjo është rruga drejt vdekjes së sigurt.
Njerëzit që duhej të liroheshin me kusht, por jo për arsye të ndryshme, shkojnë në luftë. Ata nuk kanë punë për shembull, dhe befas në burgun e tyre vjen famëkeqi Ëagner dhe u ofron një kontratë dhe një punë. “Nuk kemi parë asnjë nga kontratat e tyre dhe nuk dimë ndonjë rast kur realisht është nënshkruar kontrata”, pohojnë aktivistët e Shoqatës për Ndihmë të Dënuarve.
Të gjithë ata zakonisht shkojnë në front pa firmosur, me përjashtim të disa raporteve të njerëzve të cilëve u ishte ofruar të nënshkruanin letrat e fshehtësisë. Shumë të dënuar, pavarësisht premtimeve, nuk u liruan me kusht, ndaj dyshohet se shteti po i tregton për t’i joshur në rekrutim.
Nëse Rusia është në luftë me Ukrainën, atëherë mobilizimi në burgje është gjithashtu një proces normal.Megjithatë, nëse nuk është një luftë, por një operacion ushtarak special, atëherë duhet të ketë vendime gjyqësore ligjore për dërgimin e të burgosurve në front, vëren kreu i shoqatës “Rusia pas hekurave”, Olga Romanova. /tesheshi.com/
