Të premten, një gjykatë në Moskë vendosi një dënim me burg për herë të parë për kundërshtimin e luftës në Ukrainë.
Një anëtar i këshillit bashkiak në Moskë, Aleksei Gorinov, u dënua me shtatë vjet burg.
Gorinov, i arrestuar në prill, u dënua për “përhapje me vetëdije të informacionit të rremë” për ushtrinë ruse, e cila dënohet me burgim deri në 15 vjet.
Deri më tani janë shqiptuar një gjobë dhe një dënim me kusht për kundërshtimin e luftës.
Në një mbledhje të këshillit bashkiak në mars, Gorinov kritikoi veprimet e ushtrisë ruse. Duke dhënë argumentet e tij përfundimtare në gjykatë, ai refuzoi të pranonte fajin dhe dënoi sulmin e Rusisë ndaj Ukrainës.
Bruce Millar, zëvendësdrejtor i Amnesty International për Evropën Lindore dhe Azinë Qendrore, e quajti vendimin “tronditës”.
“Është hakmarrje , jo dhënie e drejtësisë. Ai nuk kreu asnjë krim të njohur ndërkombëtarisht duke e quajtur luftën kundër Ukrainës të nisur nga Vladimir Putin si ajo që është – një luftë kriminale”, tha Millar. /tesheshi.com/
