Një dërgesë me pajisje ushtarake amerikane arriti sot në portin e Detit Baltik në Poloni, në kohën kur Rusia po përgatitet për stërvitje ushtarake në Bjellorusi. Ushtria amerikane ka rritur praninë e saj ushtarake në tërë territorin e Polonisë.
Bjellorusia thotë se manovrat ushtarake me Rusinë nuk bien ndesh me asnjë marrëveshje ndërkombëtare.
Shefi i Ministrisë së Mbrojtjes nga departamenti për bashkëpunime ndërkombëtare, gjenerali Aleh Voinau, u ka thënë gazetarëve në Minsk se organizatat dhe qeveritë ndërkombëtare, përfshi edhe OSCE-në dhe vendet anëtare të NATO-s, janë njoftuar me kohë sipas rregullave të OSCE-së për manovrat Zapad.
Vonai tha se numri i personelit, armëve dhe pajisjeve ushtarakë të përfshira në këto ushtrime që do mbahen në Bjellorusi dhe në pjesë perëndimore të Rusisë, janë në përputhje me Marrëveshjen e Vjenës.
Dokumenti i Vjenës thekson se në manovrat që përfshijnë më shumë se 13.000 trupa ushtarake, duhet të lajmërohen shtetet tjera dhe të jenë të hapura për observime.
Rusia dhe Bjellrusia thonë se në këto manovra do të përfshihen 12.700 trupa, por zyrtarë nga perëndimi thonë se numrat e vërtetë të pjesëmarrjes ushtarake mund të jenë shumë më të lartë, më shumë se 100 mijë ushtarë. /tesheshi.com/
