Agjencia boshnjake e inteligjencës OBA, prej disa kohësh është vënë nën sulmin e shërbimit rus dhe atij serb.
Prej muajsh, portali rus Sputnik sulmon me informata që rezultuan dezinformata, kreun e muslimanëve në Bosnjë, Bakir Izetbegoviç dhe institucionet që drejtohen nga përfaqësuesit e boshnjakëve.
Por, shërbimi sekret boshnjak OBA është në shënjestrën e sulmeve më të ashpra, pasi ka rezultuar një strukturë efikase dhe super e suksesshme në marrjen në kohë reale dhe paraprirjen e situatave që i janë kurdisur Bosnjës prej vitesh.
Ky shërbim, ndërkaq ka qenë i pari dhe kryesori në zbulimin e bërthamës ruse të inteligjencës në Nish të Serbisë, ku ndodhet dhe qendra ballkanike e spunazhit rus.
Siç shkruan Sputnik, OBA ka rezultuar një burim i çmuar për shërbimet e inteligjencës amerikane CIA, që në Sarajevë ka qendrën e saj ballkanike, por edhe për shërbimin inteligjent të Turqisë dhe atë të Arabisë Saudite që kanë gjithashtu kanë byrotë e tyre në Bosnjë.
Vitin e kaluar, ish-kreu i CIA-s, menjëherë pas një vizite në Sarajevë erdhi në Tiranë, pikërisht për të sjellë informacionet e fundit të marra nga boshnjakët në lidhje me planet e inteligjencës ruse për të destabilizuar Shqipërinë.
OBA, siç doli më pas, kishte arritur të zbulonte me saktësi dhe me detaje të gjitha planet operative ruse të përpunuara në Nish.
Në një shkrim të sajin, portal i Kremlinit Sputnik, e cilëson shërbimin e inteligjencës së Bosnjës si një strukturë e fuqishme ku punojnë 300 persona, por që nuk dihet apo nuk arrihet të merret vesh për të.
Në një analizë të saj, që në fakt është vetëm një ofensivë dezinformuese, Sputnik ka intervistuar ish-kreun e shërbimit sebret serb-BIA, Andrija Saviç, i cili pranon se OBA është një nga strukturat e pakta, në mos e vetmja në Bosnjë-Hercegovinë, e cila nuk kontrollohet apo ndikohet nga Beogradit.
Ish-kryespiuni serb, në intervistën për Sputnik, e pranon hapur se Republika Srbska, edhe pse ka një financim të fuqishëm nga Moska e Beogradi, si dhe një veprim shtetëror paralel, nuk ka arritur të destabilizojë institucionet e Bosnjës.
Me një makinacion tipik spiunazhi, Sputnik akuzon OBA-n boshnjake se ka përgjuar institucionet kroate e në veçanti presidenten e Kroacisë, Kolinda Kobar-Kitariç, duke shtuar se Kroacia është vend i NATO-s.
Por ky version që ngre Sputnik bie që në fillim, pasi në Sarajevë kanë qendrën disa shërbimet të fuqishme të vendeve të NATO-s, duke nisur nga CIA. Bosnja ka prezencën e trupave ushtarake të NATO-s, dhe aty është prezente natyrisht edhe inteligjenca ushtarake e Aleancës Atlantike.
Shërbimi sekret bishnjak OBA, u krijua në mesin e luftës së Bosnjës, ku serbët në superioritet numerik, ushtarak dhe me mbështetje prej shumë fuqive të mëdha, nisën spastrimin e madh të muslimanëve, shoqëruar dhe me masakra si ajo a Srebrenicës. Por jo gjithccka u realizua, falë udhëheqjes së të ndjerit president, Alia Izetbegovicc.
Ky i fundit krijoi OBA-n me një grup njerëzish idealist nën drejtimin e Naser Oriçit, të cilët rezultuan të suksesshëm që në ditët e para të luftës, pasi zbulonin planet serbe që më përpara.
Edhe masakra e Srebrenicës u arrit të zbulohej nga boshnjakët, të cilët publikisht informuan botën mbi atë që do të ndodhte dhe po ndodhte në enklavën e rrethuar prej monstrave të Karaxhiçit e Mlladiçit, por që u la të ndodhte në mënyrën më kriminale të mundshme.
OBA prej atëherë është rritur dhe kthyer në një institucion shumë të fuqishëm, i cili është një nga shkaqet e stabilitetit të Bosnjës.
Këtë e pranojnë të gjithë, e në radhë të parë serbët e rusët, të cilët tentojnë çdo ditë të depërtojnë brenda shërbimit boshnjak.
Ish-kreu i BIA-s, Andria Saviç, në intervistën e tij për Sputnik, kërkon që OBA të mos drejtohet vetëm nga boshnjakët muslimanë, por që një dorë ta kenë në të edhe serbët e Bosnjës.
Saviç akuzon në Sputnik se shërbimi boshnjak drejtohet nga një strukturë politike njëpartiake e forcës që drejton Bakir Izetbegoviç dhe deklaron se do të duhej që edhe Milorad Dodik të ketë qasje në institucionin e inteligjencës së Bosnjës.
Me një fjalë, që si dhe në shumë institucione të tjera të përbashkëta, jo vetëm t’i shkatërrojnë siç kanë bërë, por edhe t’i vendosin nën tutelën e tyre.
Vetëm një vit më parë, serbët arritën të prishnin institucionin e zgjedhjeve në komunën e Srebrenicës, ku me një ndërhyrje edhe të forcave speciale arritën që të vendosnin një serb në krye të pushtetit lokal.
Përgatiti Ylli Pata – /tesheshi.com/
