Është vrarë komandanti i një prej batalioneve të separatistëve pro-rusë në Ukrainën lindore, Mikhail Kishchik, i njohur më mirë si Misha Çeçen.
Gjegjësisht, Kishchik u vra kur trupat ruse dhe forcat separatiste nisën një sulm ndaj ushtrisë ukrainase në lindje të vendit, raporton BBC.
“Lajm i trishtuar nga vijat e para. Ka vdekur patrioti i LNR, nënkoloneli Mikhail Kishchik,” shkroi në Tëitter kryeministri i Republikës së vetëshpallur Popullore të Luhanskut (LNR), Sergei Kozlov.
Kozlov shton se Kishchik dhe bashkëluftëtarët e tij u rrethuan nga ukrainasit pranë qytetit të Kreminit dhe “luftuan deri në njeriun e fundit”.
Kishchik lufton në Ukrainë që nga viti 2014 dhe që nga fillimi i konfliktit në Donbas, për të dhe njerëzit nën komandën e tij kanë qarkulluar thashetheme se kanë përdorur konfliktet dhe luftën, kryesisht për grabitje.
Nuk sqarohet se përse quhej ndryshe dhe Misha Çeçen. /tesheshi.com
