Menjëherë pasi amerikanët zhvilluan ushtarin e tyre modern dhe e krahasuan atë me Robocop (karakter i njohur Holivudi), rusët treguan se edhe ata kanë ushtarin e tyre për shekullin 21, të quajtur “Luftëtari 3”.
Bëhet fjalë për robotin e prezantuar së fundi në Moskë, ku janë paraqitur të gjitha inovacionet e montuara në një kostum të ri ushtarak, helmetë dhe çizme.
Komandanti i Forcave Tokësore të Rusisë, koloneli i përgjithshëm Oleg Salyukov shpjegoi se po përfundojnë kërkimet për krijimin e ushtarit të parë rus, i cili me pajisjet e reja do të jetë dy herë më i lëvizshëm, qëndrueshëm dhe më i aftë për të kryer detyrat e tij.
Kostumi i teknologjisë së lartë gjithashtu është përforcuar me një skelet të jashtëm metalik të dizajnuar për të rritur forcën dhe qëndrueshmërinë. Ajo është gjithashtu e mbuluar me pllaka të forta që mbrojnë sipërfaqen e madhe të trupit nga plagët e mundshme, madje edhe një orë që mund të mbijetojë një sulm bërthamor. Uniforma e “Luftëtarit” përmban pesë sisteme kompjuterike të integruar që përfshijnë life support, sistemet për komandë dhe komunikim, si dhe sistemet për mbrojtjen dhe kursimin e energjisë. Kostumi është i përshtatur për të gjitha kushtet atmosferike.
Exoskeleton Warrior është pajisur me një total prej 59 elementesh, duke përfshirë një përkrenare mbrojtëse, uniforma luftarake, kufje aktive, syze sigurie, hedhës granate, dy pushkë të kalibrave të ndryshëm, pushkë snajper, municion, thikë luftarake, mekanizëm për vëzhgim termik dhe optik.
Në këmbë kanë çizme që gjithashtu kanë të montuar detektorë për fushat e minuara.
Warrior 3 u zhvillua dhe u prezantua në Universitetin Kombëtar të Shkencës dhe Teknologjisë në kryeqytetin rus. /tesheshi.com/
