Pasi dështuar ta marrin në “pak ditë”, rusët i janë kthyer sërish Kievit, si në ditët e para të agresionit, duke goditur nga ajri kryeqytetin ukrainas.
Shpërthime pati në orët e para të së dielës në lagjen Shevchenkivsky të Kievit, tha kryetari i bashkisë Vitali Klitschko në një mesazh në Telegram.
Informacionet e para flasin për katër raketa që kanë goditur qytetin. Të paktën një raketë goditi katet e para të një kompleksi banimi.
E njëjta zonë u godit më 28 prill, kur Sekretari i Përgjithshëm i OKB-së Antonio Guterres ishte në Kiev dhe përpara se presidenti amerikan Joe Biden të shpallte dyfishimin e ndihmës ushtarake dhe financiare të SHBA-së për Ukrainën. Në atë sulm u vra një gazetar.
“Ambulanca dhe ekipet e shpëtimit kanë mbërritur në vendngjarje. Më shumë informacion më vonë,” tha Klitschko në një postim.
“Shpëtoni banorët dhe largojini nga dy ndërtesat”, shtoi kryebashkiaku i kryeqytetit ukrainas.
The Russian Armed Forces reportedly fired on military facilities in Kiev in the morning, with at least four explosions reported. pic.twitter.com/xFFUMwUnjD
— Captain Singh, FICArb, 74K (@captsingh) June 26, 2022
Ky lagje historike, një nga qendrat e Kievit, është shtëpia e universiteteve, restoranteve dhe galerive të artit.
Kujtojmë se orë më parë, presidenti Zelensky u betua se Ukraina do rimarrë të gjitha qytetet e pushtuara nga rusët.
Ai tha gjithashtu se vendi i tij ishte goditur nga 45 raketa ruse në 24 orët e fundit, duke përmendur një përpjekje cinike të Moskës për të ulur moralin e popullit ukrainas. /tesheshi.com/
