Forcat speciale ukrainase njoftuan se admirali Viktor Sokolov, komandanti i Flotës ruse të Detit të Zi, u vra në një sulm ukrainas javën e kaluar në selinë e kësaj flote në portin e Krimesë në Sevastopol.
Ministria ruse e Mbrojtjes nuk iu përgjigj menjëherë një kërkese nga Reuters për të konfirmuar ose mohuar se Sokolov u vra në sulmin në Krime, të cilin Rusia e kapi dhe e aneksoi në vitin 2014.
Ushtria ukrainase tha se sulmi i së premtes kishte për qëllim një takim të udhëheqjes detare ruse në qytetin e Sevastopolit.
“Pas sulmit në selinë e flotës ruse të Detit të Zi, 34 oficerë u vranë, përfshirë komandantin e flotës ruse të Detit të Zi. 105 persona të tjerë u plagosën. Ndërtesa e selisë nuk mund të rindërtohet”, njoftuan forcat speciale në një mesazh në aplikacionin Telegram.
Ende nuk është plotësisht e qartë se si forcat speciale ukrainase numëruan të vdekurit dhe të plagosurit në sulm. Zyrtarët rusë vetëm konfirmuan sulmin ukrainas të premten, duke thënë se të paktën një raketë goditi selinë e flotës.
🚨 CONFIRMED: Russia's military leadership wiped out during big meeting. Admiral Sokolov killed in missile strikes on Crimea HQ on Sep 22nd. Strikes timed & guided by human intelligence.
34 officers dead including generals and 105 injured.
Confirmed by Ukraine's Special Forces. pic.twitter.com/WKrLN0bhPS— Igor Sushko (@igorsushko) September 25, 2023
Kievi ka shtuar sulmet në Detin e Zi dhe në Krime, ndërsa forcat ukrainase vazhdojnë një kundërofensivë gati katër-mujore për të rimarrë territorin nën pushtimin rus. /tesheshi.com/
