“Provokim i shëmtuar!” Kështu e cilësonte një e përditshme turke atë çka ngjau në fundin e ndeshjes mes Fenerbahçes dhe Lokomotivës së Moskës, të vlefshme për fazën eliminatore të Ligës së Europës. Tarasov, një prej futbollistëve të Lokomotivës, i ka provokuar tifozët turq duke shpalosur para tyre një portret të Putinit, të stampuar në veshjen e tij.
Përkrahësit e Fenerbahçes në stadiumin “Şükrü Saracoğlu” ruajtën gjakftohtësinë, ndërsa Tarasov e mbrojti qëndrimin e tij duke deklaruar për agjencinë ruse R-Sport se çfarë ishte shkruar në atë bluzë qe gjithçka që kërkonte të thoshte.
“Eshtë presidenti im. E respektoj atë dhe vendosa të tregoj se jam gjithmonë me të,” ka deklaruar ai.
Në bluzën e futbollistit shkruhej në gjuhën ruse: “Presidenti më i sjellshëm”.
Dueli përfundoi 2-0 në favor të Fenerbahçes, me të dy golat të shënuar nga braziliani Souza. Ndërkaq,
për Lokomotivën e Moskës pritet të ketë një vendim disiplinor nga komisionet përkatëse të UEFA-s, për shkak se sloganet apo parullat me karakter politik janë rreptësisht të ndaluara në aktivitetet europiane.
Kujtojmë se marrëdhëniet ndërmjet dy vendeve janë të tensionuara që nga nëntori, kur forcat turke rrëzuan një avion rus që kishte shkelur hapësirën ajrore të Turqisë. /tesheshi.com/
