Rusia dhe Shtetet e Bashkuara shkëmbyen të dënuarit të mërkurën: studenti amerikan dhe ish-marinsi Trevor Reed u këmbye me Konstantin Yaroshenko.
Shkëmbimi u njoftua nga Ministria e Punëve të Jashtme ruse, ku theksohet se Reed u dënua në vitin 2020 pasi u akuzua për rrezikimin e jetës së dy policëve në Moskë në vitin 2019, në gjendje alkoolike.
Ndërsa Konstantin Yaroshenko është një pilot rus i dënuar me 20 vjet burg në Amerikë për kontrabandë kokaine.
“Si rezultat i një procesi të gjatë negocimi, më 27 prill 2022, shtetasi amerikan Trevor Rowdy Reed, i dënuar më parë në Federatën Ruse, u shkëmbye me shtetasin rus Konstantin Yaroshenko, i cili u dënua me 20 vjet burg nga një gjykatë amerikane në 2010″.
Yaroshenko tashmë është në rrugën e tij për në Rusi, tha gruaja e tij për Deutsche Welle. /tesheshi.com/
