Rusët dhe amerikanët nënshkruajnë marrëveshje bashkëpunimi për sulmet ajrore në Siri

Siç njofton në faqen e saj Russia Today, SHBA-të dhe Rusia kanë nënshkruar një marrëveshje që rregullon operacionet e forcave ajrore të të dy vendeve në Siri. Marrëveshja synon parandalimin e incidenteve, si dhe ndihmën reciproke në situata kritike.

Me të hyrë marrëveshja në fuqi, do të ketë kanale të pandërprera komunikimi midis komandave ushtarake ruse dhe amerikane. Sipas Ministrisë ruse të Mbrojtjes, amerikanët janë zotuar t’ua përcjellin hollësitë e marrëveshjes partnerëve të koalicionit kundër ISIS-it, kështu që dhe ata t’i ndjekin rregullat e vendosura.

Nënshkrimi i këtij memorandumi thuhet të “tregojë një potencial të lartë për bashkëpunim midis Rusisë dhe SHBA-ve, duke përfshirë luftën kundër terrorizmit.”

Megjithatë, autoritetet ruse të Ministrisë së Mbrojtjes theksojnë se memorandumi është ngurtësisht ushtarak dhe teknik, dhe nuk e ndryshon qëndrimin parësor të Rusisë.

E njëjta ministri sqaron se dokumenti “ka vlerë të rëndësishme praktike. Ai rregullon veprimet e avionëve me pilotë dhe pa pilotë në hapësirën ajrore mbi Siri. Memorandumi përmban një seri rregullash dhe kufizimesh që kanë për qëllim parandalimin e incidenteve midis forcave ajrore të Rusisë dhe SHBA-ve.” /tesheshi.com/