Një rumun që tentoi të kalonte ilegalisht dy shqiptarë drejt Britanisë së Madhe po përballet me një proçes gjyqësor, pasi u kap nga autoritetet. Mediat britanike raportojnë se ngjarja ka ndodhur vitin e kaluar, por proçesi ndaj 24 vjeçarit Natanael Mateu vijon.
Më 30 korrik të 2016-ës ai u ndalua pasi u përpoq t’i çonte ata në stacionin e emigracionit në King George Dock.
I pandehuri, i cili u deklarua fajtor me akuzën për shkelje të ligjit mbi imigracionin. Fillimisht ai tha se po përpiqet të kalonte shqiptarë si një gjest të vullnetit të mire, duke mohuar se e kishte ndërmarrë veprimin kundrejt parave.
Avokatja e 24-vjeçarit, Cathrine Kioko-Gilligan, tha se “i pandehuri ishte në parkun e makinave kur iu afruan dy individë. Ata nuk kishin para, ushqim dhe kishin familje në Britani të Madhe dhe nisur nga vullneti dhe mirësia për t´I ndihmuar vendosi t´I transportojë përtej kufijve.”
Gjykata e Hull Croën dëgjoi të pandehurin, ndërkohë që shqiptarët ikën dhe hipën në një target për t´u larguar drejt një vendi europian përpara se të burgoseshin nga autoritetet.
Por nga hetimet rezultoi se rumuni do të merrte një shpërblim për trafikimin e shqiptarëve, pagesë që do të kryhej në fund të transportit.
Gjykatësi Jeremy Richardson QC i ka kërkuar Mateu, që të fliste më shumë në lidhje me ngjarjen, duke i kërkuar bashkëpunim me policinë dhe për ti dhënë më shumë informacione.
Duke folur drejtpërdrejt me Mateu, i cili jeton në Middlesex, gjykatësi Richardson e nxiti të tregonte të vërtetën, i mori telefonin e tij celular ku dhe pa gjithë bisedën. Më në fund i tha se: “shkelja e ligjeve të emigracionit në çdo vend është një çështje serioze”.
Rasti i Mateut u shty deri më 15 shtator, ndërsa shqiptarët janë deportuar në vendin e tyre. /tesheshi.com/
