I mbështetur nga socialistët, ish-komandanti i forcave ajrore Rumen Radev është presidenti i ri i Bullgarisë.
Një prorus, ai siguroi 59.4 për qind të votave në raundin e dytë të zgjedhjeve, përkundër 36.2 përqindëve të kandidates Cecka Caçeva, një zgjedhje e kryeministrit Boiko Borisov dhe e partisë në pushtet të qendrës së djathtë, GERB-it.
Rumen Radev do të fitonte dhe javën e shkuar, në raundin e parë të zgjedhjeve presidenciale, por pa mundur të siguronte një shumicë dërrmuese.
Një politikan i prirur nga Rusia, e po ashtu me qëndrime kundër emigracionit, Radev ka deklaruar në orët e mbrëmjes të së dielës se shpresonte për një dialog pozitiv me SHBA-në e Rusinë, duke nënvizuar po ashtu shpresën se mes Perëndimit dhe Moskës do të kishte më pak përplasje me zgjedhjen e presidentit të ri amerikan.
Ndërkaq, kryeministri i Bullgarisë, kandidatja e së cilit humbi në zgjedhjet presidenciale në vend, deklaroi se do të mbajë fjalën e do të japë dorëheqjen.
“Rezultatet tregojnë qartë se koalicioni qeverisës nuk ka më shumicën… U kërkoj ndjesë të gjithë atyre që na mbështetën,” deklaroi Borisov pasi u bë i njohur rezultati i zgjedhjeve.
Dorëheqja e tij mund të sjellë një periudhë të paqëndrueshme politikisht për Bullgarinë, pasi Boiko Borisov tha gjithashtu një ditë më parë se nuk do të pranonte të formonte një qeveri të përkohshme. /tesheshi.com/
