Presidenti iranian Hasan Ruhani ka bërë me dije se vendi i tij “nuk dëshiron të përplaset” me shtetet rajonale apo me fuqitë botërore.
Ai e bëri pohimin në një bisedë telefonike që ka pasur me Emirin e Katarit, Tamim bin Hamad al-Thani,.
“Irani kërkon të përmirësojë sigurinë rajonale,” citohet të ketë thënë Ruhani gjatë bisedës telefonike. “Nuk dëshirojmë të përplasemi me shtetet rajonale as me fuqitë botërore”.
“Por nëse dikush bën veprime të paarsyeshme kundër nesh, do të përballen me përgjigje të rëndë që do t’i bëjë të pendohen për veprimet e tyre”, shtoi ai, pa përmendur asnjë vend specifik.
Ruhani thuhet gjithashtu theksoi lidhjet e ngushta të Iranit me Katarin, duke thënë: “Politikat e Arabisë Saudite dhe Emirateve të Bashkuara Arabe përballë Jemenit dhe Katarit, së bashku me marrëdhëniet e tyre të dobëta me Iranin, shërbejnë për të dëmtuar të gjithë rajonin”.
Ai po ashtu shtoi se “nuk ka zgjidhje ushtarake për krizat dhe problemet që aktualisht po e dëmtojnë Lindjen e Mesme”.
Emiri i Katarit, nga ana e tij, tha gjatë bisedës telefonike se vendi i tij mbështet fuqimisht përpjekjet e ndërmjetësimit që kanë për qëllim zvogëlimin e tensioneve rajonale. /tesheshi.com/
