Disa media të Kosovës pretendojnë se në adresat e tyre u ka ardhur një email me dërgues “Rugovasi, Rugovasit”, ku merret përsipër sulmi mbi Kuvendin e Kosovës, ngjarje e ndodhur mbrëmë në orët e vona, e që thuhet se është realizuar me predhë antitank.
“Ne Banoret e Rugoves kem dite me derdh gjak kurdoher qe esht lyp me i mbrojt tokat tana.
Rugova nuk ka bjeshk me i dhan Malit te zi. Sulmi qe i kem ba kuvendit asht veq paralajmerim per qeverine qe mos mi shite tokat e Kosoves.
Rugova si e ka mbrojt gjithher me pushk, prap do ta mbroj token e vet. I bajm lutje qeverise mos mi kalu demarkacionin se perndrysh ka me na detyru me ba sulme edhe ma te medha”, citohet të jetë emaili.
Menjëherë pas ngjarjes, u hodh dyshimi se gjithçka ka ndodhur ka lidhje me Demarkacionin. Rugova është pikërisht ajo trevë ku shtrihet kufiri Kosovë – Mali i Zi. /tesheshi.com/
