Kreu demokrat Basha ka uruar LDK-në e Rugovës për 30-vjetorin e themelemit, ku, edhe pse kjo forcë pati si synim të drejtat e shqiptarëve nën Jugosllavi, kryeopozitari shqiptar e sheh paksa ndryshe krijimin e saj.
“LDK lindi në një kohë të errët pushtimi, si shpresë e shqiptarëve të Kosovës për çlirim kombëtar dhe demokraci.
Në themel të njërës prej arritjeve më të mëdha të historisë së shqiptarëve, në themelet e Pavarësisë së Kosovës qëndron shpirti, djersa dhe gjaku i drejtuesve, mbështetësve dhe atyre që besuan te LDK. Historia e LDK është histori e krenarisë së Kosovës, është pjesë e krenarisë kombëtare”, shkruan Basha.
Për të, LDK është aleatja e natyrshme e PD-së, ndërkohë që ish-kreu i kësaj të fundit, Sali Berisha u refuzuar gjithnjë në të gjallë nga Rugova, e mes tyre nuk pati kurrë ndonjë takim.
“Drejtuesve të LDK bashkë me urimin, dua t’i garantoj se te Partia Demokratike e Shqipërisë, do të gjejnë përherë mbështetjen vëllazërore, partneren e qëndrueshme dhe të palëkundur të Kosovës së pavarur dhe sovrane dhe të zhvilluar”, shkruan Basha, dukee quajrtur LDK-në simotër politike.
“Dua nga zemra t’i uroj mbarësi e suksese simotrës tonë Lidhjes Demokratike të Kosovës, drejtuesve dhe mbështetësve të saj”, shkruan kreu demokrat. /tesheshi.com/
