Rudina Xhunga, e cila në Dritaren e saj në Vizion Plus kishte të ftuar kreun e Bashkisë së Durrësit, Vangjush Dakon, është bërë lëmsh gjatë gjithë minutave të emisionit duke e ngatërruar Berishën (Lul) me Bashën, gjithashtu Lul.
Ajo e ka patur gati të pamundur që gjatë artikulimit të emrit të Lulzim Berishës, si njeriu pra që po i shpëton burgut, dhe Lulzim Bashës, kreut demokrat i cili ka denoncuar në prokurori Dakon për shkelje ligji, të mos i ngatërrojë këto dy emra, duke bërë që Bashën (Lul) ta fusë e ta nxjerrë disa herë nga burgu.
Në një moment ka ngritur duart prej lapsusave të njëpasnjëshëm, por që është ngushëlluar nga Dako i cili i tha se nuk kishte faj për një rast të tillë, kur Lul, Berisha, Basha të shpërndarë në tre persona, kanë rastisur të jenë kaq pranë njëri-tjetrit. /tesheshi.com/
