Janë përjashtuar për 10 ditë nga punimet e Kuvendit Ditmir Bushati, ministri i Jashtëm dhe 6 deputetë të PD-së, pas trazirave në seancën e sotme.
Pas diskutimeve në mbledhje, vendimi u mor vetëm me praninë e deputetëve të shumicës pasi opozita u largua.
Deputetët e opozitës që u përjashtuan për 10 ditë janë: Edi Paloka, Flamur Noka, Klevis Balliu dhe Ervin Salianji nga Partia Demokratike dhe Endrit Braimllari e Kejdi Mehmetaj nga LSI.
Deputetët e opozitës hodhën miell, vezë dhe letra në drejtim të kryeministrit Edi Rama dhe ministrave në seancën e sotme.
Deputetët e LSI mbanin ndërkohë pankarta me fjalë fyese ndaj Ramës.
Bushati u përjashtua, pasi pas sulmit të opozitës reagoi duke hedhur ujë në drejtim të deputetëve demokratë dhe të LSI.
Edhe pse kërkoi falje, kryetari i Kuvendit Ruçi kërkoi përjashtimin e tij nga punimet e Kuvendit për 10 ditë dhe kërkesa u miratua në Byro pasditen e sotme. /tesheshi.com/
