Kryeparlamentari Gramoz Ruçi nuk lejoi fyerjen që sipas tij u bë presidentit Meta nga një deputet demokrat, prej atyre të opozitës së ashtuquajtur “të re.
Në seancën e së enjtes, ishte Halit Valteri ardhur nga lista e PD-së ai që iu veërsul kreut të shtetit me aso fjalori që kreut të Kuvendit iu duk fyerje e rëndë.
“Nuk çuditem me Presidentin,që kthen ligje, pasi nuk është fort mirë këto kohët e fundit. Konferenca e fundit e Presidentit ishte shfaqje e shëmtuar.
Ishte shumë i mërzitur dhe armatosur me mllef, sulmoi cilindo që i dilte përpara me mendjen e trazuar nga ëndrrat, se është keq të bësh burg në këtë moshë, është problem i madh. Presidenti harroi edhe rolin që kishte, përfaqësuesi i unitetit kombëtar dhe jo i LSI-së. Ai shpalosi problemet që ka te partia në Bllok, nuk e di se cfarë vendi të botës, tek kjo që aspirojmë ne dhe jo ajo që aspiron Ilir, shqiptarëve u serviret gruaja e Presidentit si drejtuese partie dhe vajza e vogël, zonjë e parë e shtetit, që akoma nuk ka hequr bebelinën”, tha Valteri, duke u përballur me reagimin e Ruçit.
“Zoti Valteri është e padrejtë dhe kundër etikës ta ofendosh Presidentin dhe familjen e fëmijët e tij, prandaj kërkoj ti tërheqësh ato që the për atë”, deklaroi kryeparlamentari.
Nga ana tjetër, nr.2 i mazhorancës Taulant Balla, paralajmëroi zëvëndësimin e Metës me tjetërkënd në kreun e shtetit.
“Ajo zyrë duhet liruar urgjentisht për të vendosur autoritetin e Presidentit, një figurë që duhet ta bashkojë Shqipërinë”, tha Balla. /tesheshi.com/
