Gramoz Ruçi, një ndër anëtarët më të vjetër të Partisë Socialiste, gjatë fjalës së tij të mbajtur në Kongresin e PS-së, i është kundërpërgjigjur deputetit Kocco Kokëdhima, duke u shprehur se projektet pilote dëmtojnë veprimin dhe organizimin politik.
“Unë jam për rregulla të forta dhe domosdoshmërinë e zbatimit të tyre, jam për unifikim dhe zbatim të unifikuar të rregullave të partisë në të gjithë territorin dhe jo për të ashtuquajturat projekte pilote në emër të të ashtuquajturave reformë në parti për të krijuar një çorganizim të organizuar që dëmton frymën, dëmton organizimin dhe veprimin politik. Jam për veprim politik të çdo anëtari të Partisë Socialiste”, tha ndër të tjera ai.
Kjo deklaratë e Gramoz Ruçit mbërrin pas asaj të bërë nga Koço Kokëdhima, i cili foli në Top Story për një strukturë rajonale në Vlorë e Gjirokastër. /tesheshi.com/
