Duket se armëpushimi në Gaza, diktuar nga Trump, do pasohet nga ditë dhe më të errëta për kauzën palestineze.
Sekretari i ri amerikan i Shtetit, Marco Rubio, sapo i ka konformuar “mbështetje të palëkundur” Izraelit, gjatë një telefonate me Netanyahut, njoftoi Departamenti i Shtetit të mërkurën.
Rubio foli me Netanyahun për të “nënvizuar se mbajtja e mbështetjes së palëkundur të SHBA-së për Izraelin është një prioritet kryesor për Presidentin Donald Trump“, sipas një njoftimi për shtyp të lëshuar nga zëdhënësja e Departamentit të Shtetit të SHBA, Tammy Bruce.
Për më tepër, “ministri e përgëzoi kryeministrin për sukseset e Izraelit kundër Hamasit dhe Hezbollahut” dhe “u angazhua të punojë pa u lodhur për të ndihmuar në çlirimin e pengjeve që ende mbahen në Gaza”, sipas tekstit.
Izraeli dhe Hamasi filluan zbatimin e një marrëveshjeje armëpushimi në Rripin e Gazës të dielën pas më shumë se 15 muaj lufte, e cila përfshin një shkëmbim të pengjeve dhe të burgosurve izraelitë për të burgosur palestinezë.
Kjo marrëveshje trefazore, e cila ishte propozuar tashmë në maj nga Joe Biden, paraardhësi demokrat i Donald Trump, më në fund mundi të përfundonte pjesërisht falë përpjekjeve të përbashkëta të të dy grupeve dhe të vihej në fuqi në prag të inaugurimit të republikanit.
Megjithatë, presidenti i ri tha të hënën, disa orë pas betimit dhe marrjes së detyrës, se nuk është i “sigurt” se armëpushimi do të zbatohet.
Në një nga vendimet e tij të para, Presidenti Trump anuloi gjithashtu sanksionet e vendosura nga Joe Biden ndaj kolonëve ekstremistë izraelitë në Bregun Perëndimor të pushtuar për shkak të sulmeve të tyre kundër palestinezëve. /tesheshi.com/
