Gratë nga krahina lindore e Turqisë Igdir, akoma e ruajnë traditën e thurjes së qilimave mijëra vite në rajonin e Kaukazit dhe Anadollisë.
Për ta ruajtur traditën, disa institucione nga kjo krahinë kanë hapur një kurs trajnimi për thurje të qilimave, me qëllim që grave t’u sigurohet një mbështetje financiare. Në këtë mënyrë ato fitojnë në njërën anë, dhe ju ndihmojnë edhe familjeve të tyre në anën tjetër.
Shumica e grave nga ky fshat në rrethinën e Igdirit, e ngjallin dhe ruajnë traditën mijëra vjeçare. Duke marrë pjesë në kurs dhe duke u trajnuar për thurjen e qilimave, ato përfitojnë nga 7.5 euro në ditë.
Pas përfundimit të kursit, disa prej tyre marrin oferta për përpunim të qilimave, disa tjera fillojnë punën në fabrika, e ka prej tyre që bëjnë riparim të qilimave të vjetër.
Drejtori i Qendrës për arsimim të Idgirit, Hakan Cirit ka thënë se kanë nisur iniciativën për këtë kurs me qëllim të ruajtjes së traditës së vjetër të thurjes së qilimave në këtë krahinë, por edhe për t’u siguruar grave një lloj të ardhurash materiale.
Sipas fjalëve të tij, qilimat kanë dizajne dhe motive të ndryshme, si ato që kanë ardhur nga Karabahu dhe Azerbejxhani në Turqi. Në këtë mënyrë, ka thënë Cirit, bashkohen motive të ndryshme, të popujve të ndryshëm dhe krijohet një përzierje e bukur në mes të dy vendeve. /tesheshi.com/
