Një koleksion i madh sendesh me vlerë me origjinë nga Kamboxhia, i cili u vodh dhe përfundoi në Londër, më në fund është rikthyer në kryeqytetin e këtij vendi aziatik, Phnom Penh.
Tregtari britanik i antikiteteve të vjedhura Douglas Latchford zotëronte këtë koleksion. Ai vdiq në vitin 2020 ndërsa priste gjyqin në SHBA dhe familja e tij vendosi t’i kthente të gjitha në Kamboxhia.
Sipas Brad Gordon, drejtuesi i ekipit të hetuesve nga Kamboxhia, e gjithë situata ishte surreale.
Koleksioni prej 77 copash të thesareve mbretërore u kthye në katër kuti të mbyllura të sjella nga një makinë e zakonshme dhe dorëzimi u bë në një vend sekret, për siguri.
Tani ky koleksion do të jetë një ekspozitë e përhershme në muzeun kryesor kombëtar të Kamboxhias, në qytetin e Phnom Penh. Edhe pse kanë pritur gjatë, qytetarët e këtij vendi më në fund do të kenë mundësinë të shohin arin e veshur nga mbretërit e periudhës së shekullit të shtatë, shkruan BBC. /tesheshi.com/
