Rruga e Arbrit e cila doli së fundmi, si premtim elektoral në fushatën për bashkinë e Dibrës duket se është edhe në axhendën e qeverisë. Premtimi vjen nga ministri i Transporteve Edmond Haxhinasto i cili deklaroi se qeveria po bën vlerësimin e detajuar të kompanisë China State.
“Besoj se shumë shpejt do të konkludojmë ofertën e fundit të realizuar nga kjo kompani. Dhe pastaj do të përcaktojmë hapat e mëtejshme për sa i takon këtij projekti të rëndësishëm”, tha Haxhinasto ndërsa iu përgjigj pyetjeve të gazetarëve pas inspektimit të punimeve për ujësjellësin e Durrësit.
Më herët, kryetarët e partisë Demokratike dhe asaj Socialiste, Lulzim Basha e Edi Rama shkëmbyen replika se kush do ta konkretizojë ndërtimin e kësaj rruge të shumëpremtuar nga politika. /tesheshi.com/
