PD-së s’i ka mjaftuar lufta e brendshme, e paprecedent, e cila po e çon drejt një ndarjeje të pashmangshme, por tani ndaj saj ka shpërthyer dhe LSI. Një deklaratë e bërë nga Sekretari i Përgjithshëm Gazmend Bardhi, sipas së cilit, LSI-së i ishin premtuar 15 mandate nga PD në 25 prill, por që ajo refuzoi pasi besonte se do merrte vetëm deri në 34 mandate, ka bërë që edhe Kryemadhi e heshtur deri më tani, të reagojë.
“Një pyetje për të gjithë anëtarët e kryesisë së PD: Kur është mbledhur kryesia e PD për t’i propozuar LSI listën e përbashkët? Në cilën ditë dhe orë? Listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara. Një mashtrim pervers që kalon çdo limit njerëzor dhe që i shërben vetëm Ramës dhe hijes së tij”, shkruan Kryemadhi.
Por më i ashpër ka qenë reagimi i lësëistes nga Durrësi, Elona Guri:
Mos i jep gojës sic i jep b….. o Gaz! Ki kujdes kur flet për gjëra që nuk i di se ty nuk të qaste njeri në zyrë.
Monika Kryemadhi të ka ballafaquar me Lulzim Bashën edhe këshilltarin izraelit dhe Petrit Vasilin në zyrën e Bashës se si ti kishe bërë marreveshjen 8 mandate t’i mbante PS në Elbasan dhe ti doje mandatet e LSI dhe ti kishe dalë garant bandave se do ishe ministër i brendshëm.
Ju edhe i regjistroni bisedat e ke aty regjistrimin dhe se si ti nuk pranove të bëje konferencë shtypi kundër Suel Çelës.
Ti beson se këshilltari izraelit nuk kuptonte shqip se çfarë u tha aty?”.
Gazmend Bardhi njihet si krahu i djathtë i Bashës, në PD, besnik i tij, i cili s’para gëzon simpati politike. /tesheshi.com/
