Në kulmin e një aksioni diplomatik të kreut të diplomacisë serbe, Ivica Daciç për të ulur numrin e njohjeve të Kosovës në 100, një shtet afrikan, Madagaskari njeh pavarësinë e Kosovës, duke e çuar numrin e njohjeve në 115.
“Urime Kosovë, Faleminderit Madagaskar. Nga sot, Kosova dhe Madagaskari kanë nga një mik më shumë. Falenderimet e mia të sinqerta për popullin, Presidentin dhe qeverinë e Madagaskarit”, ka thënë ministri i Jashtëm, Pacolli, cituar në njoftimin e dërguar nga Parisi ku ndodhet në kuadër të një takimi të vendeve frankofone.
Madagaskari është një shtet që ndodhet në brigjet jug-lindore të Afrikës. /tesheshi.com/
